AQShda koronavirus infeksiyasi bilan kasallanganlar soni 2 milliondan oshdi

Bu haqda 11 iyun kuni AQShning Jons Xopkins universiteti ma’lum qildi.

Taqdim etilgan ma’lumotga ko‘ra, AQShda COVID-19 infeksiyasi aniqlangan bemorlar soni 2 000 464 nafarga yetgan. Ulardan 533504 nafar bemor tuzalgan va 112908 nafar bemor vafot etgan.

Ayni vaqtda koronavirus infeksiyasi holati bo‘yicha AQSh mutlaq yetakchilik qilmoqda. AQShdan keyingi o‘rinlarni Braziliya - 772416 nafar kasallanish holati va Rossiya – 493023 nafar kasallanish holatlari bilan band etib turibdi.