Axborot-resurs markazi yangi binoda faoliyat boshladi
Samarqand iqtisodiyot va servis instituti axborot-resurs markazining yangi binosi foydalanishga topshirildi.
Shu munosabat bilan o‘tkazilgan tantanali tadbirda Samarqand viloyat hokimligi va jamoatchiligi, oliy ta’lim muassasalari hamda ommaviy axborot vositalari vakillari ishtirok etdi.
22 nafar mutaxassis o‘z ish faoliyatini boshlagan mazkur ziyo maskani bugungi kunda 143 ming kitob fondi, 14900 ta badiiy va ilmiy adabiyotlarni o‘zida qamrab olgan elektron katalog, 7500 dona elektron nusxadagi adabiyotlar bilan ta’minlangan.
Shuningdek, axborot-resurs markazi eng so‘nggi axborot kommunikatsiya vositalari bilan jihozlanib, internet tarmog‘i orqali ZiyoNet axborot-ta’lim portali va jahon kutubxonalari bilan bog‘langan.
Viloyat hokimligi axborot xizmati.
