Bir kunda 1,4 million nusxa sotilgan kitob
Seshanba kuni shahzoda Garrining "Zaxiradagi " kitobi rasman sotuvga chiqdi. Unda shahzoda boshqa voqealar qatori, rafiqasi Megan Markl bilan qirollik oilasi boshqa a’zolari orasidagi mojarolar batafsil bayon etiladi.
Kitobda Garri turli xil giyohvand moddalarni, jumladan, kokain va marixuanani sinab ko‘rganini aytadi. Shuningdek, u Afg‘onistonda xizmat qilayotganda 25 nafar Tolibon jangchisini o‘ldirganini yozadi. Shahzoda, shuningdek, ukasi shahzoda Uilyam bilan qanday qilib otasi - qirol Charlz III dan hozirgi rafiqasi Kamilla bilan turmush qurmaslikni so‘ragani va onasi malika Diananing o‘limidan qanday azob chekkanini aytib bergan. Shahzoda Garri shaxsiy hayoti haqida ham batafsil ma’lumot bergan.
Shahzodaning kitobi ilk chiqqan kunidayoq 1,4 million nusxada sotilgan.
Shahzoda o‘z hayotining shov-shuvli tafsilotlari haqida hikoya qiluvchi avtobiografiya Britaniyada eng tez sotiladigan nobadiiy kitobga aylandi.
