Birlashgan Arab Amirliklaridan 271 nafar hamyurtimiz O‘zbekistonga olib kelindi
3 iyun kuni mahalliy vaqt bilan soat 23:50 da Uzbekistan airways aviakompaniyasining “Boeing 787-8 Dreamliner” samolyoti Toshkent xalqaro aeroportiga kelib qo‘ndi.
Xorijiy davlatlarda og‘ir ahvolda qolgan fuqarolarni vatanga olib kelish bo‘yicha tasdiqlangan charter reyslar jadvaliga muvofiq BAAga amalga oshirilgan reys bilan 271 nafar hamyurtlarimiz O‘zbekistonga olib kelindi.
O‘zbekistonga qaytgan barcha fuqarolar belgilangan tartibda 14 kundan kam bo‘lmagan muddatga karantin markaziga joylashtiriladi.
Bu haqda Transport vazirligi axborot xizmati xabar berdi.
