Bu yilgi haj mavsumining ilk tug‘ilgan chaqalog‘iga "Madina" deb ism qo‘yildi
Saudiya Arabistoniga haj uchun tashrif buyurgan hindistonlik juftlik farzandli bo‘lishdi. Saudiya Arabistoni ommaviy axborot vositalarining xabar berishicha, bu 2019 yilgi haj mavsumining ilk chaqalog‘i.
Ota-onasining Rasululloh sollallohu alayhi vasallamning muborak shaharlariga muhabbatlari ifodasi o‘laroq yangi tug‘ilgan qizaloqqa "Madina" deb ism qo‘yildi.
"Har yili haj mavsumida o‘nlab chaqaloqlar tug‘iladi", - deyilgan muslimaat.uz xabarida.
Bu yilgi haj mavsumi 9-14 avgustga to‘g‘ri kelishi xabar qilingan.
