Chikagodagi otishmada 14 kishi jarohatlandi

Jabrlanganlarning barchasi kasalxonalarga yetkazilgan. Bu haqda 22 iyul kuni politsiya vakili Erik Karter jurnalistlarga ma’lum qildi.

“14 kishi jarohatlangan, ularga shaharning turli burchaklaridagi 5 ta kasalxonada tibbiy yordam ko‘rsatilmoqda”, dedi u.

Karterning so‘zlariga ko‘ra, politsiya xozircha otishmaga aloqadorlikda gumon qilinayotgan bir kishini hibsga olgan, otishma sabablari ma’lum emas. Otishma dafn marosimi bo‘layotgan vaqtda yuz bergan. Marosim joyiga avtomobil kelib to‘xtagan, ichidan odamlar chiqib, marosim ishtirokchilari tomon o‘q uza boshlagan. Bunga javoban marosimdagilar ham o‘q otishgan. Birozdan so‘ng hujum uyushtirganlar avtomobilga o‘tirib qochgan.