«Dunyodagi eng katta oila» boshlig‘i vafot etdi
Hindistonning Mizoram shtatida dunyodagi eng katta oila boshlig‘i sifatida tanilgan 76 yoshli Ziona Chana vafot etdi.
"Chananing 38 rafiqasi, 89 farzandi va 36 nabirasi bor edi, - dedi Bosh vazir Mizorama Zoramtxanga Twitterda. - Yurakda og‘riq bilan dunyodagi eng katta oilani boshqargan janob bilan xayrlashdim. Baktaung Tlangnuamdagi qishloq uning oilasi tufayli Mizoram shtatidagi yirik sayyohlik markaziga aylandi", deb yozadi rasmiy.
Ommaviy axborot vositalari ko‘pxotinlik va ko‘p farzandlik bo‘yicha rekord o‘rnatgan otaning qandli diabet va gipertoniya kasalligi bilan og‘riganligini ma’lum qildi.
Zionlar oilasi mahalliy aholi tomonidan Chuuar Than Run, ya’ni «yangi avlod uyi» deb nomlangan to‘rt qavatli uyda yashaydi. Uy 100 xonadan iborat. Ushbu ko‘chmas mulk shtatning asosiy diqqatga sazovor sayyohlik ob’yektidir.
