Dunyoning eng baxtli davlatlari reytingida O‘zbekiston 54-o‘rindan joy oldi

Finlyandiya dunyodagi eng baxtli mamlakat deb topildi. Mamlakat so‘nggi olti yildan buyon bu ko‘rsatkichni o‘zida saqlab kelmoqda.

Daniya, Islandiya, Shvetsiya va Norvegiya ham ko‘rsatkichlar bo‘yicha juda yaxshi natija ko‘rsatgan.

Shuningdek, eng baxtli  davlatlar 20 taligini quyidagi davlatlar egalladi:
1. Finlyandiya;
2. Daniya;
3. Islandiya;
4. Isroil;
5. Niderlandiya;
6. Shvetsiya;
7. Norvegiya;
8. Shveytsariya;
9. Lyuksemburg;
10. Yangi Zelandiya;
11. Avstriya;
12. Avstraliya;
13. Kanada;
14. Irlandiya;
15. AQSh;
16. Germaniya;
17. Belgiya;
18. Chexiya;
19. Buyuk Britaniya;
20. Litva.

Tanlovda mamlakatdagi sog‘lom umr ko‘rish davomiyligi, aholi jon boshiga yalpi ichki mahsulot ko‘lami,  ijtimoiy qo‘llab-quvvatlash, korrupsiyaning past darajasi, jamiyatda o‘zaro insonparvar munosabatlar va fuqarolar erkinliklari kabi ko‘rsatkichlar inobatga olingan.

O‘zbekiston bu reytingda dunyoning 137 davlati orasida 54-o‘rinni egalladi.

Qo‘shni davlatlar: Qozog‘iston — 44-o‘rin;  Qirg‘iziston — 62-o‘rin; Tojikiston — 80-o‘rinda qayd etilgan.

Ro‘yxatning eng oxiri, 137-o‘rinda Afg‘oniston joylashgan.

Mazkur reyting 2012 yildan buyon e’lon qilib kelinmoqda.