DXX Toshkent shahrida narkolaboratoriya faoliyatiga chek qo‘ydi

Davlat xavfsizlik xizmati xodimlari tomonidan o‘tkazilgan maxsus operatsiya natijasida internet orqali sintetik narkotik moddalar savdosi bilan shug‘ullanuvchi uyushgan jinoiy guruh faoliyatiga chek qo‘yildi.

Maxsus tadbirlar natijasida ushbu xonadonlarda umumiy miqdorda 892 gramm “mefedron”, 45 gramm “alfa-PVP” sintetik narkotik moddalari, xomashyo sifatida foydalaniladigan 360 litrdan ortiq zaharli kimyoviy moddalar va prekursorlar hamda zarur asbob-uskunalar, himoya vositalari borligi aniqlanib, protsessual tartibda rasmiylashtirildi.

Shuningdek, guruh a’zolari tomonidan xufiya joylarga yashirib qo‘yilgan 898 gramm “mefedron” moddasi, 15 litr va 12 kilogramm miqdorida turli xil kimyoviy moddalar hamda 8 litr “bromketon” olib qo‘yildi.

Bundan tashqari, ulardan noqonuniy yo‘llar bilan bitkoin kriptovalyutasida jamg‘arilgan 113 770 AQSh dollari ham musodara qilingan.