Eron so‘ndirilgan aktivlarini qo‘shni davlatlardan biriga o‘tkazadi
Eron hukumati Janubiy Koreyada so‘ndirilgan moliyaviy aktivlarini mintaqa davlatlaridan birining Markaziy bankiga o‘tkazish bo‘yicha kelishuvga erishdi, deb xabar beradi Tasnim.
“Asirlarni almashish va Eronning boshqa mamlakatlardagi valyuta resurslarini ochish bo‘yicha muzokaralar ko‘p oylar avval bo‘lgan, biroq Amerika tomoni bir necha bor to‘siqlar yaratgani yetmagandek, yaqinda avvalgi kelishuvlarga rioya qilishga tayyorligini ma’lum qildi”, deyiladi agentlik xabarida.
Ma’lumki, Eron bir necha yildan beri yadroviy dasturi rivojlanishi tufayli neft eksportini cheklovchi AQSh sanksiyalari ostida edi. Shuningdek, hukumat hisoblari, yuqori martabali amaldor va yuridik shaxslar hisoblari ham bloklangan. Ushbu hisoblarning bir qismi Janubiy Koreyadagi banklarda.
2021 yil fevral oyida Seul Tehronga tegishli 1 milliard dollarni ochishga rozi bo‘ldi. Janubiy Koreyaning Eron oldidagi umumiy qarzi 7 milliard dollarni tashkil etadi. 2021 yil yanvarida Seul Tehron bilan muzokaralar chog‘ida ularni muzlatish masalasini hal qilishga va’da bergan, biroq u haligacha hal etilmagan.
