Eronda o‘n minglab namoyishchilar avf etildi, lekin hammasi emas - tavba qilganlar
Eron hukumati oliy rahbar Oyatulloh Ali Homanaiy o‘n minglab mahbuslar, jumladan hukumatga qarshi namoyishlarda ayblangan ko‘plab mahbuslarni afv etganini ma’lum qildi. Biroq, kechirim bir qancha shartlar, jumladan, yozma tavba qilish bilan birga amalga oshiriladi.
Afv 1979 yil 11 fevralda shohning quvg‘in qilinishi va Eronda islom respublikasi e’lon qilinishi bilan yakunlangan islom inqilobining 44 yilligiga to‘g‘ri keldi.
Oyatulloh Homanaiy ta’kidlashicha, tartibsizliklarda ishtiroki uchun hibsga olinganlar “xorijliklar uchun josuslik qilmagan va xorijiy razvedka xizmatlari agentlari bilan bevosita aloqada bo‘lmagan”, qotillik sodir etmagan taqdirdagina avf etiladi yoki jazo muddati qisqartiriladi.
Shu bilan birga, afv ikki fuqaroligi bo‘lgan qamoqqa olinganlarga nisbatan qo‘llanilmaydi.
Qarorgohi Osloda joylashgan "Eron Inson huquqlari" tashkiloti hibsdagi kamida 100 kishi o‘lim jazosiga hukm qilinganini taxmin qilmoqda. Barcha ayblanuvchilar "o‘z advokatidan foydalanish, qonuniy jarayon va adolatli sudlovdan mahrum qilingan".
Namoyishlarda qatnashgani uchun to‘rt kishi allaqachon qatl etilgan. Yanvar oyida Eron xavfsizlik kuchlari a’zosini o‘ldirgan ikki kishi osilgan edi. Qatl oldidan ular qiynoqlarga duchor bo‘lganliklarini aytib, murojaat qilishgan. 2023 yil 14 yanvarda 2019 yilda josuslikda ayblanib hibsga olingan, Britaniya-Eron fuqarosi Alirizo Akbariyni qatl qilgan.
