Ertadan Qirg‘iziston va O‘zbekiston o‘rtasida muntazam aviaqatnovlar tiklanadi
Ma’lum qilinishicha, 14 sentyabrdan boshlab Toshkent - Bishkek - Toshkent yo‘nalishi bo‘yicha muntazam aviareyslarning amalga oshirilishi boshlanadi.
Parvozlar haftada bir marta amalga oshiriladi. Ushbu yo‘nalish uchun aviachiptalar savdosi boshlangan.
Eslatib o‘tamiz, 11 sentyabrdan Toshkent – Olmaota – Toshkent yo‘nalishi bo‘yicha muntazam aviaqatnovlar tiklangan edi.
Shuningdek, O‘zbekiston va Qirg‘iziston o‘rtasidagi avtoyo‘l o‘tkazish punktlarida sanitariya-gigiyena talablariga qat’iy rioya etgan holda kirib-chiqishga 1 sentyabrdan ruxsat berilgan.
