Ertaga xorijdagi fuqarolar uchun ikkita charter reysi tashkil etiladi

Ertaga, 12 iyun kuni “Toshkent — Moskva — Toshkent” hamda “Toshkent — Istanbul — Toshkent” yo‘nalishlari bo‘yicha charter reyslari amalga oshiriladi.

Parvozga konsullik muassasalari tomonidan fuqarolar ro‘yxatga olinadi hamda Uzbekistan Airways aviakompaniyasiga taqdim etiladi va ushbu ro‘yxat asosida fuqarolar samolyot bortiga kiritiladi.

Chiptalarni fuqarolar parvozdan 4 soat oldin xorijiy mamlakatlarning xalqaro aeroportlaridagi Uzbekistan Airways aviakompaniyasining kassalaridan olishlari mumkin bo‘ladi.

O‘zbekistonga qaytgan barcha fuqarolar 14 kundan kam bo‘lmagan muddatga karantin markaziga joylashtiriladi.

Eslatib o‘tamiz, bugun “Toshkent — Novosibirsk — Toshkent” charter reysi amalga oshiriladi.