Yevropa Ittifoqi Myanmadagi harbiy to‘ntarishni qat’iy qoraladi
Yevropa Ittifoqi Myanmadagi harbiy to‘ntarishni mamlakat xalqining irodasini zo‘rlab namoyon qilishga yo‘l qo‘yilmaydigan urinish sifatida qat’iy qoraladi.
"2020 yil 8 noyabrda bo‘lib o‘tgan umumiy saylovlarda Myanma xalqi o‘zining ishtiroki bilan demokratik jarayonlarga katta ishonch bildirdi. Ushbu saylovlar mamlakatning demokratiyaga o‘tishida muhim voqea bo‘ldi", dedi Yevropa Ittifoqi nomidan uning davlat tashqi ishlar va xavfsizlik siyosati bo‘yicha oliy vakili Jozep Borrel.
"Ovoz berishdagi qonunbuzarlik to‘g‘risidagi har qanday da’vo tegishli qonuniy va ma’muriy qonunlar asosida hal qilinishi kerak", deya ta’kidladi u. "Myanma xalqining tanlovini oyoqosti qilish noqonuniy, demokratik tamoyillarga zid va mamlakatni orqaga chekintiradi".
Yevropa Ittifoqi diplomatiyasi rahbari, ittifoq Myanmaning fuqarolik va demokratik tizimga o‘tishining tinch jarayoni, milliy kelishuv hamda har tomonlama ijtimoiy-iqtisodiy rivojlanishining qat’iy tarafdori bo‘lganini ta’kidladi. U harbiylarni Prezidentni, Davlat maslahatchilar va boshqa hibsga olinganlarni zudlik bilan, hech qanday shartsiz ozod qilishga, o‘zini tiyishga, aloqani tiklash va inson huquqlari, so‘z erkinligi, asosiy erkinlik va qonun ustuvorligini hurmat qilishga chaqirdi.
Shuningdek, Yevropa Ittifoqi ularni favqulodda holatni darhol bekor qilish, fuqarolik boshqaruvini tiklash, yangi saylangan parlament ishini boshlashga va prezident, vitse-prezidentlar hamda yangi hukumat tayinlash jarayonini boshlashga undadi.
"Biz vaziyatni vijdonan hal qilib, konstitutsiyaviy tartibga qaytishni istagan barcha muhim manfaatdor tomonlar bilan muloqotni davom ettirishga tayyormiz", deyiladi bayonotda.
Yevropa Ittifoqi Myanma va uning tarkibiga kiruvchi yangi shtatlar fuqarolari xavfsizligi ta’minlanishini kutadi va demokratiyaning g‘alabasini ta’minlash uchun barcha mavjud variantlarni ko‘rib chiqadi.
