Fransiya konstitutsiyaviy kengashi pensiya islohotini ma’qulladi
Mazkur oliy nazorat organiga ko‘ra, tashabbusning deyarli barcha qoidalari, jumladan, pensiya yoshini 62 yoshdan 64 yoshga ko‘tarish va nafaqalarni qisqartirish mamlakat asosiy qonuni va respublika tamoyillariga mos keladi.
Oltita band rad etildi. Ular orasida ishchilar soni 300 dan ortiq bo‘lgan korxonalar uchun yoshi kattaroq ishchilarning minimal sonini joriy etish kiradi. Bundan tashqari, konstitutsiyaviy kengash muxolifatning pensiya islohoti bo‘yicha referendum o‘tkazish haqidagi taklifini rad etdi.
Endi Fransiya prezidenti Emmanuel Makron o‘zgartirishlar kiritilsa, saylovoldi va’dalaridan birini amalga oshiradigan tashabbusni imzolashi mumkin. Yelisey saroyi protseduraning bu qismini kechiktirmaslik kerakligini tushuntirdi. Kelgusi hafta boshida islohot kuchga kirishi mumkin.
Seshanba kuni esa Makron kasaba uyushmalari vakillarini uchrashuvga taklif qilmoqchi. Islohot muxoliflari hozirda bunday muzokaralar bo‘lishi dargumon, deb javob berishdi va mart oyida butun mamlakat bo‘ylab bir necha milliongacha odamni to‘plagan va Fransiyada asr boshidan beri eng ommaviy bo‘lgan norozilik namoyishlarini davom ettirishga va’da berishdi.
