Gaitidagi zilzila qurbonlari soni qariyb 1,3 ming kishiga yetdi
Gaitidagi zilzila qurbonlari soni 1297 kishiga yetdi, deb xabar bermoqda France-Presse agentligi, mamlakat fuqarolik mudofaasi xizmatlari ma’lumotiga tayanib.
Jabrlanganlar soni ham oshdi: oldinroq 2,8 mingga yaqin jarohatlanganlar haqida xabar berilgan bo‘lsa, hozirda 5,7 mingdan oshgan.
Ma’lumki, shanba kuni Gaiti qirg‘oqlarida 7,2 magnitudali zilzila sodir bo‘ldi. Bir qator davlatlar mamlakatdagi ofat oqibatlarini bartaraf etishda yordam berishga tayyor ekanliklarini bildirishgan.
