Turkiyadagi zilzila bo‘lgan hududda dastlabki yangi uylar qurib bitkazilgani xabar qilindi

Turkiya prezidenti Gaziantep va Qahramanmarash hududlarida qurib bitkazilgan uylarni o‘z egalariga topshirish marosimida ishtirok etdi.
Prezident Erdo‘g‘an, 6 fevraldagi dahshatli zilzilalardan 15 kun o‘tib, yangi xususiy uylarning poydevori qo‘yilgani, tabiiy ofat zonasida jami 507 ming xonadon va 143 ming xususiy uy qurilishi va ularning 319 mingtasi bir yil ichida qurib bitkazilishi rejalashtirilganini aytgan.

Turkiya ichki ishlar vaziri Sulaymon Soylu shanba kuni CNN Turk telekanali bergan intervyusida mamlkat janubida ro‘y bergan dahshatli zilzila qurbonlari 50 783 nafarga ekanini bildirgan. Zilzila qurbonlari orasida 7302 muhojir ham borligini qayd etgan.