Hatto eng jasoratlilar ham borishi tavsiya etilmaydigan orollar
Dunyoda inson xotirasida mixlanib yaxshi iz qoldiradigan ko‘plab qiziqarli joylar bor. Shunchaki plyaj va ekskursion ta’til o‘tkazish o‘rniga xotirada har xil taassurot va yangi tajriba orttirish uchun tavsiya etiladigan orollar borki, ularning ba’zilarida kirish taqiq etilgan.
Cho‘chqalar oroli
Bu orol Bagama orollarining ko‘p sonli munosib dam olish uchun yaratilgan orollar orasida joylashgan.
Orolga qayiq yaqinlashishi bilan bir to‘da cho‘chqalar do‘stona podasi o‘zini suvga tashlaydi. E’tiborlisi, hayvonlar yaxshi suzadi.
Quyonlar oroli
Faqat quyonlar yashaydigan ushbu orol Yaponiya davlatiga tegishli. Ikkinchi jahon urushi paytida bu yerda kimyoviy qurol ishlab chiqarish va sinovdan o‘tkazish maxsus laboratoriyasi va fabrikalar mavjud edi.
Korxonalar shu qadar maxfiy ediki, hatto ishchilarining o‘zi bu yerda nima ishlab chiqarayotganini bilishmasdi. Bu orol barcha xaritalarda ham o‘chirib tashlangan.
Zaharli ilonlar oroli
San-Paulu yaqinida joylashgan Keymada-Grandi shahrida dunyodagi minglab eng xavfli va zaharli sudralib yuruvchilar yashaydi. Ularning joylashuvi bir kvadrat metrga 5-10 tani tashkil qiladi. Ilonlar shu qadar xavfliki, bu yerni harbiylar qo‘riqlaydi. Shunga qaramay bu yerda vaqti-vaqti bilan turli xil ekspeditsiyalar ham o‘tkazilib turadi.
Devon oroli
Kanada hududidagi ushbu orol odam yashamaydigan orol unvoniga ega. Hatto sharoiti Mars sayyorasiga o‘xshashi sabab bu yerda odamlarning tirik qolishi bo‘yicha tajribalar o‘tkaziladi. O‘rtacha harorat -50 darajagacha sovuq. Yozda ob-havo kamdan-kam +10 darajagacha isiydi. Shu bilan birga bu yerda yog‘ingarchilik bo‘lmaydi va qishda deyarli qor yog‘maydi.
Qo‘g‘irchoqlar oroli
Yana bir jirkanch joy – u Mexiko shahridagi Sochimilko tuman kanallaridan birida joylashgan qo‘g‘irchoqlar oroli. Bu joy bolalar parki emas. Minglab singan va buzilgan bolalar o‘yinchoqlari orol atrofida tarqalib ketgan. Bu ko‘rgazmani bu yerda zohid sifatida yashagan Juliano Saltano nima maqsadda yaratganini hech kim bilmaydi.
Siz ushbu orollarning birida bo‘lishni xohlarmidingiz?
Bahora Muhammadiyeva tarjimasi.
