IIB xodimlari uchun ham reyd o‘tkazilyapti
Ichki ishlar vazirining farmoyishiga asosan, joriy yilning 15 fevralidan 15 martiga qadar mamlakatimizning barcha hududlarida “Yo‘l harakati xavfsizligi oyligi” o‘tkazilmoqda.
Shu munosabat bilan Samarqand shahar ichki ishlar organlari faoliyatini muvofiqlashtirish boshqarmasi mas’ul xodimlari o‘rtasida ham targ‘ibot-tashviqot ishlari amalga oshirilmoqda.
Jumladan, har kuni xodimlarning xizmat kiyimini belgilangan tartibda kiyib yurishi, shaxsiy va xizmat avtomashinalarini tegishli hujjatlar asosida boshqarishi yuzasidan reyd tadbirlari o‘tkazilmoqda. Ya’ni, yo‘l harakati qoidasini buzgan va tegishli hujjatlarsiz avtomashina boshqargan xodimlar ma’muriy javobgarlikka tortilmoqda.
Samarqand shahar ichki ishlar organlari faoliyatini muvofiqlashtirish boshqarmasi.
