Ijtimoiy tarmoqlarda tarqayotgan YTH aks etgan suratlarga IIBB izoh berdi

Telegram kanallarda Toshkent shahri Chilonzor tumanida ro‘y bergan yo‘l-transport hodisasi aks etgan suratlar tarqamoqda.

Ushbu holat bo‘yicha Poytaxt IIBB quyidagilarni ma’lum qildi.

Qayd etilishicha, 15 yanvar kuni soat 00.10 da 102 raqamiga Bunyodkor ko‘prigida (G‘afur G‘ulom bog‘i ro‘parasida) YTH ro‘y bergani haqida xabar kelib tushgan.

“Nexia” rusumli avtomobilni (davlat raqami 01 V 819 RA) boshqarib borgan 35 yoshli Javlon I. boshqaruvni bajara olmasdan, qarama-qarshi harakat yo‘lagiga chiqib ketgan va 38 yoshli Avaz O. boshqaruvidagi “Lifan” rusumli (davlat raqami 01 576 SFA) avtomobil bilan to‘qnashgan.

YTH oqibatida “Nexia” avtomobili haydovchisi Javlon I. hamda uning yo‘lovchisi 25 yoshli Roman S.lar turli og‘irlikdagi tan jarohatlari bilan shifoxonaga yetkazildi. Ularga tibbiy yordam ko‘rsatilmoqda.