Ikki tup chinorni shirkat raisi kesgan
Samarqand shahar ekologiya va atrof-muhitni muhofaza qilish inspeksiyasi nazorat inspektorlari tomonidan o‘tkazilgan reyd tadbiri davomida Gagarin ko‘chasi 40-uyning orqasida 2 tup qurigan chinor daraxtini noqonuniy ravishda, "Oydin Kelajak" uy-joy mulkdorlari shirkati raisi B.Q. tomonidan kesilganligi aniqlandi.
Huquqbuzarga nisbatan O‘zbekiston Respublikasi "Tabiatni muhofaza qilish to‘g‘risida"gi Qonuni talablari buzilganligi uchun O‘zbekiston Respublikasi MJtKning 79-moddasi 1-qismida nazarda tutilgan javobgarlik uchun ma’muriy bayonnoma tuzilib, bazaviy hisoblash miqdorining 5 barobari miqdorida jarima qo‘llanildi.
Samarqand viloyati ekologiya va atrof-muhitni muhofaza qilish boshqarmasi axborot xizmati.
