Imtihon natijalari qachon to‘liq e’lon qilinishi ma’lum bo‘ldi
AOKAda DTM mutasaddilari ishtirokida matbuot anjumani bo‘lib o‘tdi.
«Respublika bo‘ylab 13 sentyabrda hamma imtihonlar tugatiladi. Ayrim hududlarda barvaqtroq tugaydi. Masalan, Farg‘onada 11 sentyabr kuni 1-smenada test sinovi tugatiladi.
17 sentyabr kuni tana harorati baland bo‘lib, test sinovlariga kirolmagan abituriyentlar uchun test o‘tkaziladi.
24 sentyabrgacha bo‘lgan muddatda esa tanlovlar natijalarini to‘liq e’lon qilish rejalashtirilyapti.
Appelyasiya shikoyati muddati bo‘yicha ma’lum qilinadi. Appelyasiya onlayn rejimda olinadi», dedi DTM bosh boshqarma boshlig‘i Barno Rajabov.
