Inspektorlarimizning atigi 15 foizi yuridik ma’lumotli
2019 yil mobaynida jinoyatchilik va huquqbuzarliklarning barvaqt oldini olish hamda unga qarshi samarali kurashishda viloyat huquqni muhofaza qilish organlari va jamoat tashkilotlari bilan hamkorlikda amalga oshirilishi lozim bo‘lgan ishlarga oid «Yo‘l xaritasi» ishlab chiqildi.
Unda ta’kidlanishicha, viloyatda xizmat qilayotgan 697 nafar profilaktika inspektorlarining atigi 105 nafari yuridik ma’lumotga, 5 nafari esa o‘rta-maxsus ma’lumotga ega.
Shu bois Samarqand shahrida Ichki ishlar vazirligi malaka oshirish instituti bilan hamkorlikda viloyatimiz ichki ishlar organlari xodimlari, birinchi navbatda, profilaktika inspektorlarining bilim saviyasi va kasbiy tayyorgarligini yuksaltirish bo‘yicha malaka oshirish o‘quv kurslari tashkil etiladi.
