Jomboyda yuz bergan YTH oqibatida ikkala haydovchi ham tan jarohati oldi
Samarqand viloyati IIB YHXB ijtimoiy tarmoqlarda tarqalgan YTH yuzasidan ma’lumot berdi.
Aniqlanishicha, kecha, 15 oktyabr kuni soat 14:00 larda Jomboy tumanidan o‘tuvchi 4K-502 avtomobil yo‘lining 4-kilometrida “Galakapa-Jomboy” yo‘lida "Neksiya-3" hamda "VAZ-21099" rusumli transport vositalari o‘rtasida yo‘l-transport hodisasi sodir bo‘lgan.
YTH oqibatida ikkala transport vositalarining haydovchilari yengil tan jarohati olgan.
Ularga tibbiyot birlashmasida birinchi tibbiy yordam ko‘rsatilib, uyiga javob berib yuborilgan.
Mazkur holat yuzasidan Jomboy tumani IIB YHX bo‘limi tomonidan surishtiruv ishlari olib borilmoqda.
Samarqand viloyati IIB YHXB haydovchilardan yo‘llarda harakat qoidalariga qat’iy rioya qilishlarini so‘ragan.
