JSST: “Jamoaviy immunitet COVID-19 ni yengishga yordam bermaydi”

Jamoaviy immunitet COVID-19 ni yengishga yordam bermaydi, virus tarqalishini oldini olish uchun zaruriy chora-tadbirlar ko‘rilishi lozim. Bu haqda JSSTning sog‘liqni saqlash sohasi bo‘yicha favqulotda vaziyatlar dasturi direktori Maykl Rayan o‘tkazilgan brifingda ma’lum qildi.

“Ayni vaqtda biz, global aholi, ushbu kasallikni to‘xtata olishga qodir bo‘lgan jamoaviy immunitet shakllantirishdan yetarli darajada uzoqdamiz. Jamoaviy immunitet bizning haloskorimiz bo‘lishini kutib yashamasdan, virus tarqalishini oldini olishga bor e’tiborimizni qaratishimiz lozim”, - dedi Rayan.

JSST taqdim etgan so‘nggi ma’lumotlarga ko‘ra, 18 avgust holatiga dunyo bo‘ylab 21.5 milliondan ortiq koronavirus kasalligi qayd etilgan, 767 mingdan ortiq odam vafot etgan.