JSST koronavirusning kuchsizlangani to‘g‘risidagi ma’lumotni rad etdi
Koronavirusning xuruji yaxshi tomonga o‘zgarmadi, kasallik xavfi ilgarigidek bo‘lib qolmoqda. Bu haqda JSSTning Rossiyadagi vakili Melita Vuynovich RIA Novostiga bergan intervyusida ma’lum qildi.
“Ko‘pchilik virusning kuchsizlanganligi to‘g‘risida gapirmoqda. Biroq unday emas. Virus o‘zgarmadi, uning xavfi ilgarigidek bo‘lib qolmoqda”, dedi Vuynovich.
Uning so‘zlariga ko‘ra, virusning genetik turlari ko‘p. Biroq bu hech narsani anglatmaydi, sababi, virusni kuchsizlantirishi mumkin bo‘lgan asosiy genlar o‘zgarmagan.
