Kattaqo‘rg‘onga gazetalar faqat dushanba va juma kunlari boradimi?

Ha, shundayga o‘xshaydi. Kattaqo‘rg‘on shahridagi qator korxona va tashkilotlar, ta’lim muassasalarida   davriy nashrlarning yetkazib berilishi ahvolini o‘rganishimiz jarayonida shuning guvohi bo‘ldik: gazeta va jurnallar haftaning dushanba va juma kunlari yetkazib berilarkan.

- "Matbuot uyushmasi" mas’uliyati cheklangan jamiyati Kattaqo‘rg‘on shahar bo‘limi orqali "Xalq so‘zi", "Zarafshon",  "Ma’rifat" kabi 8 turdagi gazetalarga obuna bo‘lganmiz, - deydi Kattaqo‘rg‘on shahar 17-ixtisoslashtirilgan davlat umumta’lim maktabi direktori o‘rinbosari Uchqun Tuyg‘unov. - Ammo gazeta haftada bir bor yetib keladi. Vaholanki, "Xalq so‘zi" bir haftada besh marta, "Zarafshon" gazetasi uch marta nashrdan chiqariladi. Bu masalani o‘z vaqtida bartaraf etish uchun "Matbuot uyushmasi"ning mas’ul xodimiga bir necha bor murojaat qilganmiz. Ammo o‘zgarish bo‘lmayapti.

Bahriddin XONKELDIYEV.