Ma’bad tog‘ida falastin va isroilliklar o‘rtasida yirik to‘qnashuvlar bo‘ldi

Quddusda Isroil politsiyasi va falastinliklar o‘rtasidagi to‘qnashuvda kamida 152 kishi jarohat oldi. Bu haqda Qizil yarim oy tashkiloti xabar bermoqda.

Falastin rasmiylariga ko‘ra, Isroil politsiyasi bomdod namozi vaqtida Al-Aqso masjidiga kirib, namozxonlarga shovqinli granatalar bilan hujum qilgan.

Isroil Tashqi ishlar vazirligi namoyishchilarni ziyoratgohni tahqirlashda aybladi va politsiya masjidga kirgani haqidagi xabarlarni rad etdi.

Keyinroq Tashqi ishlar vazirligi Isroil politsiyasi Al-Aqsa masjidiga “joyni tahqirlayotgan va jamoatchilikni xavf ostiga qo‘ygan tartibsizliklarni tarqatish uchun” kirishga majbur bo‘lganini ma’lum qilib, masjid hozir namoz o‘qish uchun ochilganini ta’kidladi.

Isroil rasmiylariga ko‘ra, tartibsizliklar juma kuni erta tog‘da Ma’bad tog‘ida boshlangan, shundan so‘ng niqobli namoyishchilar «XAMAS» bayroqlari bilan Al-Aqsoda to‘siq o‘rnatgan va u yerdan huquq-tartibot idoralari xodimlariga tosh otgan. Yuzlab odamlar hibsga olingan.