"Men dunyodagi eng boy odamlar ro‘yxatini tark etaman": Bill Geyts o‘zining deyarli barcha boyligini xayriya ishlariga bermoqchi

Microsoft asoschisi Bill Geyts o‘zining deyarli barcha boyligini sobiq rafiqasi Melinda bilan hamkorlikda 2000 yilda tashkil etgan xayriya jamg‘armasiga berishini ma’lum qildi.

“Men boyligimning barchasini fondga berishni rejalashtirganman. Endi pastga tushaman va oxir-oqibat dunyoning eng boy odamlari ro‘yxatini tark etaman. O‘z resurslarimni jamiyatga azob-uqubatlarni kamaytirish va hayotni yaxshilashning eng ta’sirli usuli bilan qaytarishga majburman. Va umid qilamanki, juda boy va imtiyozli lavozimdagi boshqalar ham hoziroq oldinga qadam tashlashadi”, — deb yozdi Geyts Twitterda.

So‘nggi bir necha yil ichida, deb yozgan Microsoft asoschisi, dunyo bir qancha dahshatli zarbalarni boshdan kechirdi, jumladan, koronavirus pandemiyasi va Ukrainadagi urush "ko‘p odamlarni xonavayron qildi va dunyo bundan ham battar bo‘lishi mumkinmi, deya o‘ylashga undadi".

Bloomberg Geytsning boyligini 114 milliard dollarga baholab, uni dunyodagi to‘rtinchi eng boy odam deb hisoblaydi. «Forbes»ning real vaqt rejimida yangilanuvchi dunyoning eng badavlat biznesmenlari reytingida Geytsning boyligi 13 iyulda 122,1 milliard dollarga baholangan.