Millionlar o‘yini bilan bog‘liq g‘aroyib faktlar
Futbol o‘yini elementlari miloddan avvalgi 476 yillarda Xitoyda o‘ylab topilgan bo‘lsa ham bugungi tartibdagi futbol o‘yinlariga XIX asrda Angliyada asos solingan.
***
Har o‘yinda professional futbolchilar o‘rtacha 9,65 kilometr masofani bosib o‘tadi.
***
Basketbol o‘yinlari dastavval futbol to‘plari bilan o‘ynalgan.
***
Futbol to‘plari ishlab chiqishda Pokiston yetakchilik qiladi. Dunyodagi futbol to‘plarining 80 foizi ushbu davlatda ishlab chiqariladi.
***
1913 yilga qadar darvozabonlarning kiyimi o‘yinchilarnikidan farq qilmagan.
***
1857 yilda tuzilgan ingliz komandasi Sheffild dunyoning birinchi futbol komandasi hisoblanadi.
***
Professional futbol to‘pi ko‘rinishi va o‘lchami 120 yildan ortiq vaqt mobaynida 70 santimetr (28 dyuym)dan ko‘p bo‘lmagan va 68 santimetr (27 dyuym)dan kam bo‘lmagan o‘lchamini saqlab kelmoqda. Standart to‘p og‘irligi o‘yin avvalida og‘irligi 410-450 gramm bo‘lishi kerak.
***
Birinchi marta 1937 yilda futbol o‘yinlari televideniyeda to‘g‘ridan-to‘g‘ri namoyish etilgan. Unga qadar esa ixlosmandlar o‘yin borishini faqat radio orqali tinglash imkoniyatiga ega bo‘lgan.
***
Krishtianu Ronalduga bu ismni uning otasi AQSh rahbari Ronald Reyganga havas qilib qo‘ygan.
***
Futbol maydonidagi yo‘l-yo‘l ko‘rinishi chim o‘rish uskunasining turli yo‘nalishdagi harakatidan yuzaga keladi. Shu bilan birga bu chiziqlar hakamlarga o‘yindan tashqari holatni aniqlashda yordam beradi.
***
Penalti o‘yinga 1891 yildan tadbiq etilgan. To‘p o‘shanda ham 11 metr masofadan tepilgan bo‘lsa-da, ammo aynan bir nuqta belgilanmagan edi.
***
"Aberdin" klubi o‘yinchisi Xisham Zeruali 0 raqami ostida o‘ynagan. Bu raqamni tanlanishi muxlislar unga qo‘ygan "Zero nol" laqabi sabab bo‘lgan. Shotlandiya futbol federatsiyasi Xisham Zerualining fojiali o‘limidan so‘ng futbolchilarning noodatiy raqamlarda maydonga tushishini taqiqlagan.
***
Robert Levandovskiy 2015 yilda 9 daqiqa ichida raqib darvozasiga 5 marotaba gol urib, rekord o‘rnatgan.
***
Butunjahon futbol assotsiatsiyasi FIFAga 1904 yilda Parijda asos solingan. Ilk tarkibda Belgiya, Daniya, Fransiya, Niderlandiya, Ispaniya, Shvetsiya hamda Shveysariya davlatlari bor edi.
