Monopoliyaga qarshi kurashish qo‘mitasi yog‘ narxi ustidan nazoratni kuchaytirdi
Monopoliyaga qarshi kurashish qo‘mitasi paxta yog‘i va chigit narxi ustidan nazoratni kuchaytirdi.
O‘rganishlar natijasida mahalliy ishlab chiqaruvchi xo‘jalik yurituvchi ob’yektlar tomonidan «Raqobat to‘g‘risida»gi qonun buzilish alomatlari borligi aniqlangan.
Xususan, Qo‘mitada tashkil etilgan ishchi guruhi tomonidan tovar bozorida o‘zaro raqobatchi bo‘lgan paxta-to‘qimachilik klasterlari va kooperatsiyalari o‘rtasida kelishib olingan harakatlar va kelishuvlar bor yoki yo‘qligini aniqlashtirilmoqda.
➖Kelishuvlar aniqlangan holda uni orqasidan sun’iy ravishda narxlarni belgilashga yoki saqlab turishga;
➖ishlab chiqarish ustidan, mahsulot sotish bozorlari ustidan nazorat o‘rnatishga;
➖taklif hajmini sun’iy ravishda o‘zgartirish maqsadida ishlab chiqarish hajmlarini kelishib olishga qaratilgan harakatlar mavjudligini aniqlash yuzasidan tuzilgan ishchi guruh tomonidan chuqur tahlil o‘tkazilyapti.
Monopoliyaga qarshi kurashish qo‘mitasi paxta yog‘i narxlarining o‘sishini oldini olish uchun bitta xaridor tomonidan paxta yog‘ini 3 tonnadan ko‘p bo‘lmagan miqdorda tovar va xom ashyo birjasida sotib olish hajmini chekladi.
Shuningdek, raqobatga zid bo‘lgan harakatlar aniqlangan taqdirda, Monopoliyaga qarshi kurashish qo‘mitasi kompaniya va shaxslarga nisbatan Qonunda belgilangan tartibda hamma zarur choralarni ko‘rishini ma’lum qiladi.
