Moskvada bir erkak qo‘shnilarini miltiq bilan otdi
Moskvada bir erkak odamlarga qarata pompali miltiqdan o‘t ochdi va to‘rt kishini jarohatladi. Bu haqda Rossiya IIV matbuot xizmatiga tayanib TASS ma’lumot bermoqda.
Voqea Moskva vaqti bilan 01.00 da Solnechnaya ko‘chasida sodir bo‘lgan.
Huquqni himoya qilish organlarining so‘zlariga ko‘ra, itlarni sayr qildiradigan maydonchada qo‘shnilar o‘rtasida kelishmovchilik kelib chiqqan. Shundan so‘ng ulardan biri uyiga kirib miltiq olib chiqqan va tartibsiz ravishda o‘t ocha boshlagan.
Otishma natijasida esa to‘rt kishi jarohat olgan.
Huquqbuzar shaxs politsiya tomonidan qo‘lga olingan.
