Mudhish YTHda avtomashinalar yonib ketdi, qurbonlar bor (video)
Kecha, 9 yanvar kuni soat 23:17 da Chilonzor tumani Bunyodkor va Furqat ko‘chalari chorrahasida “BMW” rusumli hamda “Lacetti” rusumli avtomashinlar ishtirokida yo‘l transport hodisasi yuz bergan. Bu haqda FVV matbuot xizmati xabar berdi.
Buning oqibatida “BMW” rusumli avtoulovning motor va salon qismi hamda “Lacetti” rusumli avtoulovning salon qismida yong‘in sodir bo‘lgan.
Ayanchlisi, mazkur hodisada 2 nafar fuqaro voqea joyida vafot etgan, 2 nafari esa turli darajadagi tan jarohatlari bilan Respublika shoshilinch tibbiy yordam ilmiy markaziga yotqizilgan.
Sodir bo‘lgan YTH yuzasidan dastlabki tergovoldi tekshiruv ishlari olib borilmoqda.
