Narpayliklar paxta yig‘im-terimiga kirishdi
Erta tongda tuman hokimi Botir Jabborov boshchiligida faollar, qishloq xo‘jaligi mutaxassislari hamda terimchilar ’’Maftuna - Aziz’’ fermer xo‘jaligi dalasida to‘planishdi.
Mavsum boshlanishiga bag‘ishlangan tadbirdan so‘ng karantin qoidalariga amal qilgan holda yig‘im-terim ishlariga kirishildi.
Terimga avvalo tumanda ro‘yxatda turgan kambag‘al oilalar a’zolari jalb qilindi.
Bu yil tumanda 10 ming 762 gektar maydonda paxta yetishtirilib, 33 ming 430 tonnalik ’’oq oltin’’ xirmonni bunyod etish rejalashtirilgan.
Islom NORBEKOV.
