Nurobod tumanidagi Yangihayot guzariga qo‘shimcha 2 kilometr ichimlik suvi tarmog‘i tortilmoqda
Nurobod tumani Arabota mahalla fuqarolar yig‘ini, Yangihayot guzariga 420 million so‘m mahalliy byudjet mablag‘lari hisobidan 1 dona ichimlik suvi inshooti va 3 kilometr ichimlik suv tarmog‘i tortilib, foydalanishga topshirilgani haqida avval xabar bergan edik.
Joriy yil 5 dekabr kuni viloyat hokimining Tim qishlog‘i yoshlari bilan bo‘lgan uchrashuvida Yangihayot guzariga qo‘shimcha ichimlik suvi tarmog‘i tortish bo‘yicha topshiriqlar berilgandi.
Ayni kunlarda Yangihayot guzariga 2 kilometr ichimlik suvi tarmog‘ini tortish uchun kerakli bo‘lgan quvurlar keltirilib, tuman hokimligi tashabbusi bilan qazish va o‘rnatish ishlari amalga oshirilmoqda.
Nasriddin SAFAROV,
Nurobod tumanidagi 71-umumiy o‘rta ta’lim maktabi direktori o‘rinbosari.
