Oqoltindagi tungi yong‘inda bir oilaning 6 a’zosi vafot etdi

Bugun, 17 fevral kuni soat 02:40 da Sirdaryo viloyati Oqoltin tumani, Sardoba shaharchasi, Ko‘rkam diyor MFY, Robot ko‘chasidagi 3-uy, 1-xonadonda yong‘in sodir bo‘lgan.

Yong‘in oqibatida uyning kirish yo‘lagi va yotoqxonasining 40 kvadrat metr maydonidagi uy jihozlari yongan.

Yong‘in soat 03:00 da o‘rab olinib, soat 03:45 da o‘chirilgan.

Ayanchlisi, yong‘in tufayli ushbu uydagi 6 nafar fuqarolar halok bo‘lishgan.

Vafot etgan fuqarolar: B.Z. 1972 yilda tug‘ilgan (uy egasi), N.X. 1976 yilda tug‘ilgan (turmush o‘rtog‘i), O.Sh. 1996 yilda tug‘ilgan (qizi), O.D. 2006 yilda tug‘ilgan (qizi), O.A. 2010 yilda tug‘ilgan (o‘g‘li), N.N. 2018 yilda tug‘ilgan (nabirasi).

Voqea joyiga FVV rahbariyati, viloyat FVB, IIB, prokuratura, tuman FVB, SSB xodimlari, IIB tergov tezkor guruhi hamda tegishli xizmatlarning kuch va vositalari jalb etilgan.

FVV matbuot xizmati xabariga ko‘ra, mazkur holat yuzasidan dastlabki tergovoldi surishtiruv ishlari olib borilmoqda.