«O‘ramas - Pochvon - G‘oyibota" avtomobil yo‘lida ta’mirlash ishlari davom etmoqda

Samarqand viloyati hokimi Erkinjon Turdimovning 2019 yil 26 mart kuni Urgut  tumanida bo‘lib o‘tgan sayyor qabulida tumandagi Beshkapa-2 mahallasida yashovchi Ilhom Fayziyev tuman hududidan o‘tuvchi 4k 524-"O‘ramas - Pochvon - G‘oyibota" avtomobil yo‘lini joriy ta’mirlash qachon amalga oshirilishi haqida murojaat qilgan edi.

Ushbu murojaat viloyat hokimligi tomonidan jiddiy o‘rganildi va natijada ushbu yo‘lning ta’mirlanishi uchun 1,4 milliard so‘m mablag‘ ajratildi. Dastlab mazkur 4k 524-"O‘ramas - Pochvon - G‘oyibota" avtomobil yo‘lining 3-kilometr qismida joriy ta’mirlash ishlari amalga oshirilgan edi. Bugungi kunda ushbu avtomobil yo‘lining qolgan qismini ta’mirlash uchun qo‘shimcha mablag‘ ajratildi va «Urgut tuman yo‘llardan foydalanish» unitar korxonasi tomonidan ta’mirlash ishlari boshlandi.