OTMga qabul uchun imtihonlarning 1-kunida tana harorati yuqori bo‘lgan 4 nafar abituriyent testga kiritilmadi
Ichki ishlar vazirining matbuot kotibi Shoxrux G‘iyosov test sinovlarini o‘tkazish davrida jamoat tartibini saqlash va xavfsizlikni ta’minlash borasida amalga oshirilgan ishlar to‘g‘risida ma’lumot berdi.
1-kungi test sinovlarida jami 118 500 nafar abituriyent test sinovlarida ishtirok etishi kerak edi. Amalda 112 188 nafar abituriyent testda ishtirok etish uchun keldi. 6 312 nafar abituriyent turli sabablarga ko‘ra, testda ishtirok etish uchun kelmadi.
Tekshirilganda tana harorati yuqori bo‘lgan 4 nafar abituriyent testga kiritilmadi. Ular bilan tibbiyot xodimlari shug‘ullandi.
Shuningdek, bugun jami 59 nafar abituriyent noqonuniy harakatlari uchun test sinovidan chetlashtirilgan.
