O‘zbekistonda birinchi “yashil energiya” sertifikatlari Samarqanddagi “BAT Uzbekistan” kompaniyasiga topshirildi
“Yashil energiya” sertifikati qayta tiklanuvchi energiya manbalaridan foydalangan holda elektr energiyasi ishlab chiqarilganligini tasdiqlovchi elektron hujjat hisoblanadi.
Samarqanddagi “BAT Uzbekistan” kompaniyasiga O‘zbekistondagi birinchi “yashil energiya” sertifikatlari rasman topshirildi.
2000 dona yashil energiya sertifikatini xarid qilgan “BAT Uzbekistan” kompaniyasi o‘z mahsulotlarini ishlab chiqarish uchun joriy yilning yanvar-fevral oylarida ishlatgan elektr energiyasining 100 foizi qayta tiklanuvchi energiya manbalaridan ishlab chiqarilganligini tasdiqlaydi, deya xabar berdi Energetika vazirligi.
