Past Darg‘omda "tumangaz" xodimi gaz tarmog‘iga o‘g‘irlik yo‘li bilan ulanib olgani aniqlandi
Bosh prokuratura huzuridagi Departamentning Past Darg‘om tuman bo‘limi tomonidan o‘tkazilgan tergovga qadar tekshiruvda “Pastdarg‘omtumangaz” gaz ta’minoti bo‘limi operatori K.R. o‘ziga tegishli issiqxona va molxonani hech qanday hujjatsiz tijorat maqsadida umumiy foydalanishdagi tabiiy gaz tarmog‘iga o‘g‘rilik yo‘li bilan ulab olgan.
Natijada jami 237,3 mln so‘mlik gazdan noqonuniy foydalanib kelganligi aniqlangan.
Shuningdek, K.R. iste’molchilarning abonent raqamlarida mavjud qarzdorliklarini asossiz yo‘q qilib berish orqali davlat va jamiyat manfaatlariga 99,8 mln so‘m zarar yetkazgan.
Mazkur holat yuzasidan Jinoyat kodeksining 169-moddasi (o‘g‘rilik) va 278-4-moddasi (kompyuter axborotini modifikatsiyalashtirish) bilan jinoyat ishi qo‘zg‘atilib, tergov harakatlari o‘tkazilmoqda.
