Payariqda 3 ta bog‘cha foydalanishga topshirilib, qamrov 60 foizga yetkazildi

Joriy yilda asosiy e’tibor maktabgacha ta’lim tashkilotlari bo‘lmagan chekka hududlarda bog‘chalar ochilishiga, bolalarning ilk ta’lim olishga qamrovini oshirishga qaratilmoqda. Payariq tumanida ham kundan-kunga zamonaviy bog‘chalarning barpo etilishi natijasida 3-7 yoshdagi bolalarning ilk ta’limga qamrovi oshmoqda. 

Bugun tumanda bir kunda 3 ta davlat bog‘chasi ochilib, 360 nafar bolajonni o‘z bag‘riga olgani mahalla ahli, ota-onalarni quvontirdi, bolajonlar qalbi shodlikka to‘ldi.

Alisher Navoiy mahallasida 3-, Gulzor mahallasida 19- va Qumchuq mahallasida 47-davlat maktabgacha ta’lim tashkilotlari foydalanishga topshirilishi natijasida tumanda 3-7 yoshli bolalarni bog‘chalarga qamrovi 60 foizga yetdi.

Bog‘chalarning har biri 120 o‘ringa mo‘ljallangan bo‘lib, bolajonlarning sifatli ta’lim olishi uchun barcha qulayliklar yaratilgan. Zamonaviy oshxona, mashg‘ulotlar xonasi, sport maydonchalari barcha inventarlar bilan jihozlangan.

Payariq tumani hokimligi axborot xizmati.