Profilaktika kuni: 4 mingdan ziyod fuqaroga tushuntirish ishlari olib borildi
“Chorshanba – Favqulodda vaziyatlar profilaktikasi kuni” tadbiri doirasida Samarqand shahar favqulodda vaziyatlar bo‘limi xodimlari tomonidan bir qator amaliy tadbirlar o‘tkazildi.
Jumladan, Samarqand shahar hududida joylashgan aholi turar joylarida mahalla va maktab tashkilotlarning ishchi va xizmatchilari o‘rtasida yong‘in xavfsizligini ta’minlashga qaratilgan keng tushuntirish va targ‘ibot ishlari olib borildi.
Shahar hududida joylashgan aholi turar joylaridagi 1 ming 245 ta xonadonning har biriga tegishli organlar vakillari va mahalla faollari bilan birgalikda kirilib, 4 ming 32 nafar fuqaro bilan tushuntirish va targ‘ibot ishlari olib borildi. Aniqlangan kamchiliklarning kelib chiqishini o‘rganish va ularni bartaraf etish maqsadida fuqarolarning o‘zini o‘zi boshqarish organlarida yig‘ilishlar o‘tkazildi. Bu tadbirlarda yong‘in xavfsizligi qoidalarini buzgan 12 nafar fuqaro muhokama qilindi.
Z.Karimov,
Samarqand shahar FVB inspektori, leytenant.
