Rossiyada oyligini ololmayotgan 15 nafar o‘zbekistonlikka yordam ko‘rsatildi
Tashqi mehnat migratsiyasi agentligiga Rossiya poytaxtidagi «Elektro Siti Svet» qurilish korxonasida ishlayotgan 15 nafar fuqaro uch oydan buyon ish haqi to‘lanmagani haqida murojaat kelib tushgan.
Ushbu murojaat yuzasidan agentlikning Moskva shahridagi vakolatxonasi negizidagi Mehnat migrantlarining murojaatlari bilan ishlash va ularga huquqiy ko‘maklashish markazi xodimlari ish beruvchi bilan muzokara o‘tkazgan.
Natijada fuqarolarning 1,5 oy uchun (may oyi to‘liq va iyun oyining yarmi) 1 million 50 ming rubl ish haqi undirib berilgan.
