Rossiyadan o‘zbekistonliklarni olib kelish uchun qo‘shimcha poyezd qatnovlari amalga oshiriladi

Pandemiya davrida Rossiyada qolib ketgan O‘zbekiston fuqarolarini mamlakatga olib kelish maqsadida “Toshkent-Moskva-Toshkent” yo‘nalishida maxsus poyezdlar qatnovi yo‘lga qo‘yiladi.

Poyezdlar qatnovi “Moskva Kazanskiy-Toshkent” yo‘nalishida quyidagi sanalarda amalga oshiriladi:

➖ 14 dekabr, 22:28 (Moskva vaqti)
➖ 21 dekabr, 22:28 (Moskva vaqti)
➖ 28 dekabr, 22:28 (Moskva vaqti)

Ushbu poyezdlarga faqat bir tomonga, ya’ni “Moskva-Toshkent” yo‘nalishiga chiptalar sotiladi.
Moskvadagi fuqarolarning yaqinlari O‘zbekistonda turib, ularning shaxsini tasliqlovchi hujjati nusxasi bilan “O‘zbekiston temir yo‘llari” AJ veb-sayti e-ticket.railway.uz orqali chiptalarni elektron tarzda xarid qilib jo‘natishlari ham mumkin.

Qo‘shimcha ma’lumotni Toshkent shahridagi 1005 qisqa telefon raqami, joylardagi temir yo‘l kassalari hamda ma’lumotlar byurosidan olish mumkin.