Samaradan Toshkentga charter reyslar tashkil qilindi
O‘zbekiston Respublikasi fuqarolari o‘z vataniga qaytib kelishlari uchun qulay shart-sharoitlar yaratish maqsadida "Uzbekistan Airways" aviakompaniyasi 2020 yil 23 sentyabr kuni Samara shahridan Toshkentga amalga oshiriladigan charter qatnoviga erkin sotuv ochilganini ma’lum qildi.
Parvozlar jadvali va aviachiptalar narxi bilan aviakompaniyaning rasmiy veb-saytida tanishishingiz mumkin.
Ma’lumot uchun, Rossiya Federatsiyasi shaharlaridan O‘zbekistonga parvoz qilish faqat O‘zbekiston Respublikasi fuqarolariga, PCR tekshiruvidan o‘tganligi to‘g‘risidagi (qatnov jo‘nashidan oldin kamida 72 soat amal qiluvchi) ma’lumotnoma taqdim etilgan holda ruxsat beriladi. PCR ma’lumotnomasi bo‘lmagan yo‘lovchilar aviakompaniya qatnovlariga qo‘yilmaydi.
Aviachiptalarni aviakompaniya veb-saytidan, AJ mobil ilovasi orqali, shuningdek, "Uzbekistan Airways" AJning eng yaqin sotuv ofislaridan yoki mintaqangizdagi aviakompaniya tashuvlarini sotish agentliklaridan sotib olish mumkin.
