Samarqand viloyatida yana bir mas’ul vazifaga tayinlov amalga oshirildi
Voyaga yetmaganlar ishlari bo‘yicha viloyat idoralararo komissiyasi mas’ul kotibi lavozimiga Buyukjon Murodullayev tayinlandi.
Joriy yilda Toshkent davlat yuridik universitetini tamomlagan B.Murodullayev bungacha viloyat iqtisodiyot va sanoat bosh boshqarmasida yurist lavozimida ishlab kelayotgandi.
Eslatib o‘tamiz, voyaga yetmaganlar ishlari bo‘yicha viloyat idoralararo komissiyasi mas’ul kotibi lavozimi qariyb bir yildan buyon vakant bo‘lib turgandi.
Shaxsiy ma’lumotnomasiga ko‘ra, 1996 yilda Past Darg‘om tumanida tug‘ilgan B.Murodullayev rus, ingliz va fransuz tillarini biladi.
