Samarqandda 1 kilogramdan ziyod «marixuana» savdosiga chek qo‘yildi
Giyohvandlik vositalarining noqonuniy aylanmasiga qarshi bojxona organlari tomonidan tizimli ravishda kurash olib borilmoqda.
Samarqand viloyati bojxona boshqarmasi kontrabandaga qarshi kurashish va bojxona auditi bo‘limi xodimlari Davlat xavfsizligi xizmati xodimlari bilan hamkorlikda giyohvandlik vositalarining noqonuniy aylanmasiga qarshi tezkor tadbir o‘tkazdi.
Tezkor tadbir davomida fuqaro A.K. 1105,27 gramm “marixuana” giyohvandlik vositasini 35 million so‘mga sotishga kelishib, shundan 15 million so‘m pul mablag‘ini sanab olayotgan vaqtida tadbir ishtirokchilari tomonidan to‘xtatib qolindi.
DBQ axborot xizmati xabariga ko‘ra, holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
