Samarqandda 116 kilometr uzunlikdagi gaz quvurlari yer ostiga tushirildi
“Samarqandgaz” viloyat idorasining ma’lumotiga ko‘ra, yil boshidan beri 116 kilometr uzunlikdagi, turli o‘lchamdagi gaz quvurlari yer ostiga tushirildi.
-Darhaqiqat, ayrim gavjum maskanlarda, temiryo‘l yoqasida bir-biriga qalashib ketgan quvurlar ko‘zga xunuk ko‘rinadi, - deydi idora rahbari X.Bobomurodov. – Shu bois bu yumushni o‘z kuchimiz va hamkorlar yordamida bajarayapmiz. Quvurlar yerga ko‘milishidan oldin texnik ko‘rikdan o‘tkazilib, texnologik talab asosida himoya vositasi bilan qoplanadi.
