Samarqandda uchta tumanda aholining ijtimoiy ko‘makka muhtoj qatlami uchun mehnat yarmarkasi tashkil etildi

Bandlik va mehnat munosabatlari vazirligi tomonidan Nurobod, Urgut va Paxtachi tumanlarida navbatdagi mehnat yarmarkalari o‘tkazildi.

Yarmarkada aholining ijtimoiy ko‘makka muhtoj qatlami, xotin-qizlar, yoshlar, shuningdek, qurolli kuchlar safidan bo‘shatilgan hamda jazoni ijro etish muassasalaridan qaytgan fuqarolar ishtirok etdi.

150 ga yaqin korxona va tashkilotlar 500 ga yaqin bo‘sh ish o‘rinlarini taklif qildi.

Yarmarkada 170 nafar fuqaro ishtirok etdi. 69 nafar band bo‘lmagan yurtdoshlarimiz ish bilan ta’minlandi hamda 13 nafar fuqarolarning vaqtinchalik bandligini ta’minlash uchun yo‘llanmalar berildi.

Shuningdek, fuqarolarga mehnat qonunchiligi yuzasidan maslahatlar berildi.