SamDTI jamoasi 70 nafar ehtiyojmandlardan hol so‘radi
2020 yil 27 mart kuni Samarqand davlat tibbiyot instituti rahbariyati tashabbusi bilan yoshlar bilan ishlash, ma’naviyat va ma’rifat bo‘limi xodimlari, professor-o‘qituvchilar va yoshlar ittifoqi boshlang‘ich tashkilotiningn ko‘ngilli yoshlari “Mehrli qo‘llar” aksiyasini o‘tkazdi.
Aksiya doirasida Samarqand shahrida istiqomat qiladigan 70 nafar kam ta’minlangan va yakka-yolg‘iz fuqarolar holidan xabar olinib, ularga antiseptik vositalar jamlanmasi va yuz niqoblari taqdim etildi. Shuningdek, uylari to‘liq dezinfeksiya qilinib, yuqumli kasalliklarning oldini olish va undan himoyalanish qoidalari tushuntirildi.
Odilbek AHMEDOV.
